قصيدة حمد السعيد شفت وشلون

°`°؛¤ شفت وشلون خلق الله تحب الكلام°`°؛¤
شفت وشلون خلق الله تحب الكلام
قلتلك لاتصدق حكيهم مااقتنعت
لين ضيقت صدري بالعتب والملام
وانت ياما حكولي عنك وماسمعت
جيتني وانت ودك بالزعل والخصام
باين اللى يبي السبه ولو ماندفعت
غيروك العواذل (طعتهم) ياحرام
عقب ما كنت مقبل بالمحبه رجعت
خلهم ينفعونك لاتزيد اتهام
من عرفتك مضره وانت عمرك نفعت
وين كلمه احبك وين ذاك الغرام
ليش نزلت قدرك عقب ماأنت ارتفعت
اه ياقوى قلبك لك عيون تنام
تجرح اللى يحبك بالكلام وقطعت
كان لك قدر عندى وانتهى والسلام
غلطتي جيت كلى بالمحبه وضعت
مما راق لى
للشاعر ((حمد السعيد))